India rama Hospital tha bik tehna NQAS (Narional Quality Assurance Standard) Certification chu Mizoram a district pathum – Civil hospital, Aizawl, Civil Hospital, Lunglei, District Hospital, Champhai, Urban Primary Health Centre, Chawlhhmun Veng leh Urban Primary Health Centre, ITI Veng te hnen ah pek a ni a, kum 2017 khan kan lo dawng tawh bawk. Heng Hospital te nen hian Mizoram ah NQAS Certified Facility kan nei ve leh ta a ni.
Civil Hospital, Aizawl leh Civil Hospital, Lunglei te phei chuan NQAS Certification dang pahnih MusQan (Naupang lam enkawlna tha bik) leh Laqshya (Nau neihna hmun tha bik) Certification kan dawng a. Norhteast India bikah a rual a hetiang Certification pathum dawng thei hmasa ber kan ni.
NQAS Certification nei tur hian paltlang ngai tam tak a awm a, chungte chu thawktu thenkhat chauh tih theih a ni lova, thawktu zawng zawng tan ho ngai a ni. Chuvangin heng facility pali a thawktute kan chhuangin an thawhrimna rah kan seng kan ti thei ang. Hetiang dinhmun thleng tur a State Quality Team, District Quality Team leh Mizoram Health System Strengthening Project te inpekna rah chhuah a fakawm hle.
